"Манчестер Сити" бош мураббийи Хосеп Гвардиола клуб ярим ҳимоячи Бернарду Силва билан шартномани узайтиришни истамоқда, деб хабар берди журналист Фабрицио Романо.

Манбанинг хабарига кўра, инглиз клуби ва 27 ёшли португалиялик ўртасидаги янги шартнома бўйича музокаралар дастлабки босқичда бўлиб ўтмоқда.

"Спортинг" билан Чемпионлар лигаси 1/8 биринчи ўйинидан сўнг (5:0), Гвардиола ярим ҳимоячининг келажаги ҳақида фикр билдирди.

“Умид қиламанки, Бернардо “Манчестер Сити”да узоқ йиллар қолади. Аммо қарор Силва ва клуб томонидан қабул қилинади”, - деди мураббий.

Силва жорий мавсум “Манчестер Сити” сафида 33 ўйинда 10 та гол ва 3 та голли узатмани амалга оширди. Унинг инглиз клуби билан шартномаси 2025 йилнинг 30 июнига қадар мўлжалланган.