"Реал Мадрид"нинг германиялик ярим ҳимоячиси Тони Кроос "Манчестер Юнайтед" ҳужумчиси Криштиану Роналду ҳақида ўз фикрлари билан ўртоқлашди
"Чемпионлар лигасининг 1/8 босқичида "Вольфсбург"га меҳмонда 0:2 ҳисобида мағлуб бўлган ўйинни эслайман. Ўз уйимизда Роналду бизни кейинги босқичга олиб чиқди. Биз 3:0 ҳисобида ғалаба қозондик, учта голни ҳам Криштиану киритганди.
Мен ҳамма нарсани битта ўйинчи қилди демоқчи эмасман, лекин Криштиану жамоа сафида бўлса, бизда у ҳамма нарсани қилади деган туйғу бор эди. Роналду бизни кўпинча жамоани олдинга тортарди. У ўйинлар натижасини бир ўзи ҳал қилган", - дейди Кроос.
Жорий мавсумда Кроос Ла Лигада 17 та ўйинда майдонга тушиб, 1 та гол ва 3 та голли узатмани амалга оширди.
