"Барселона ҳужумчиси Ансу Фати жароҳатидан тезроқ тикланиб, "Реал"га қарши бўлиб ўтадиган Испания чемпионати 29-туридан ўрин олган учрашувда майдонга тушишга умид қилмоқда. Бу ҳақда "Diario Sport" нашри хабар берди.
Маълумотларга кўра, каталонияликлар 19 ёшли испаниялик футболчини тезроқ тикланишга мажбурламоқчи эмас.
Қайд этилишича, Фати "Реал"га қарши ўйинда майдонга тушмаса, "Севилья"га қарши чемпионатнинг 30-туридан ўрин олган ўйингача қайтишга ҳаракат қилади.
Эслатиб ўтиш жоиз, "Реал Мадрид" — "Барселона" баҳси 20 мартга белгиланган бўлса, "Барселона" — "Севилья" ўйини 3 апрелда бўлиб ўтади.
