Ўзбекистон XXXI миллий чемпионатига тайёргарликнинг учинчи босқичини Туркиянинг Анталия шаҳрида ўтказган Бекободнинг "Металлург" жамоаси бугун йиғинни якунлаб, мамлакатимизга қайтади.
Белекда кечган мавсумолди йиғини самарали кечди. Мураббийлар штаби йиғин давомида футболчиларнинг жисмоний тайёргарлигини маромига етказиш, ўйинамалиётини шакллантириш борасида катта ҳажмдаги ишларни амалга оширишди. Жумладан, хорижнинг таниқли жамоаларига қарши ўтказилган кўрик назорат учрашувлари бу борада қўл келди, дейиш мумкин. Луисма Эрнандес етакчилигидаги жамоамиз икки ҳафталик йиғин мобайнида бешта ўртоқлик учрашувини ўтказди. Улардан иккитасида "Металлург" ғалаба қозонган бўлса, иккитасида дуранг ўйнади. Битта ўйинда эса имконият қўлдан бой берилди.
"Металлург" эртага тонгда Тошкентга етиб келади.
Қуйида "Металлург"нинг Туркия йиғинидаги назорат учрашувлари ва уларда қайд этилган натижалар билан танишинг:
Назорат учрашувлари
5.02.2022 йил
“Металлист” (Украина) - “Металлург” (Ўзбекистон) – 1:2
Гол: Шоҳназар Норбеков (17), Александр Цвиренко (27), Фарҳод Бекмуродов (45)
Амалга оширилмаган пенальти: Артур Мурза (21)
9.02.2022 йил
“Заря” (Украина) - “Металлург” (Ўзбекистон) – 2:2 (0:1). Туркия, Анталия, Белек шаҳри.
Гол: Дамир Темиров (2-пенальтидан), Эргаш Исмоилов (83), Алеференко (87), Хлань (90)
12.02.2022 йил
“Металлург” (Ўзбекистон) - “Алашкерт” (Арманистон) – 0:1
15.02.2022 йил
“Вайле U-19” (Дания) - “Металлург” (Ўзбекистон) – 1:3
Гол: Шаҳзоджон Неъматжонов (22, 82), Жасур Ашуров (57).
16.02.2022 йил
“Дила” (Гори, Грузия) - “Металлург” (Ўзбекистон) – 0:0.
