O‘zbekiston XXXI milliy chempionatiga tayyorgarlikning uchinchi bosqichini Turkiyaning Antaliya shahrida o‘tkazgan Bekobodning "Metallurg" jamoasi bugun yig‘inni yakunlab, mamlakatimizga qaytadi.
Belekda kechgan mavsumoldi yig‘ini samarali kechdi. Murabbiylar shtabi yig‘in davomida futbolchilarning jismoniy tayyorgarligini maromiga yetkazish, o‘yinamaliyotini shakllantirish borasida katta hajmdagi ishlarni amalga oshirishdi. Jumladan, xorijning taniqli jamoalariga qarshi o‘tkazilgan ko‘rik nazorat uchrashuvlari bu borada qo‘l keldi, deyish mumkin. Luisma Ernandes yetakchiligidagi jamoamiz ikki haftalik yig‘in mobaynida beshta o‘rtoqlik uchrashuvini o‘tkazdi. Ulardan ikkitasida "Metallurg" g‘alaba qozongan bo‘lsa, ikkitasida durang o‘ynadi. Bitta o‘yinda esa imkoniyat qo‘ldan boy berildi.
"Metallurg" ertaga tongda Toshkentga yetib keladi.
Quyida "Metallurg"ning Turkiya yig‘inidagi nazorat uchrashuvlari va ularda qayd etilgan natijalar bilan tanishing:
Nazorat uchrashuvlari
5.02.2022 yil
“Metallist” (Ukraina) - “Metallurg” (O‘zbekiston) – 1:2
Gol: Shohnazar Norbekov (17), Aleksandr Svirenko (27), Farhod Bekmurodov (45)
Amalga oshirilmagan penalti: Artur Murza (21)
9.02.2022 yil
“Zarya” (Ukraina) - “Metallurg” (O‘zbekiston) – 2:2 (0:1). Turkiya, Antaliya, Belek shahri.
Gol: Damir Temirov (2-penaltidan), Ergash Ismoilov (83), Aleferenko (87), Xlan (90)
12.02.2022 yil
“Metallurg” (O‘zbekiston) - “Alashkert” (Armaniston) – 0:1
15.02.2022 yil
“Vayle U-19” (Daniya) - “Metallurg” (O‘zbekiston) – 1:3
Gol: Shahzodjon Ne’matjonov (22, 82), Jasur Ashurov (57).
16.02.2022 yil
“Dila” (Gori, Gruziya) - “Metallurg” (O‘zbekiston) – 0:0.
