"Аталанта" Европа лигасининг 1/16 финали доирасидаги ўйинда "Олимпиакос"ни мағлуб этди. "Аталанта" устози ўз шогирдларини иродали фазилатлари учун мақтади.
"Европа турнирларидаги ўйинлар ҳеч қачон осон кечмайди. "Олимпиакос" Греция чемпионати пешқадами, биз осон ўйин кутмагандик. Йигитларимни мақташим керак, орқага қайтиш ва ғалабани тортиб олиш осон бўлмади, аммо биз буни уддаладик. Умид қиламанки, бугун майдонга тушмаган футболчилар иккинчи ўйинда майдонга қайтадилар", - деди Гасперини.
Жавоб ўйини бир ҳафтадан сўнг, 24 февраль куни бўлиб ўтади.
