“Бунёдкор” ва “Шўртан” жамоалари учрашуви якунига етганидан сўнг, дастлаб матбуот анжуманида, ғузорликлар бош мураббийи Игорь Криушенко иштирок этди. Криушенко ўйин ҳақида фикр билдирар экан жамоасини таний олмаганини таъкидлаб ўтди. 

- Бугунги учрашувда шогирдларимни таний олмадим. Улар негадир қўрқиб ўйнашди. Шу сабабли кўплаб хатоларга йўл қўйишди. Бу хатоларни қандай изоҳлашни ҳам билмайман. Бу жуда менимча қўпол хатолардир.

- 6 рақамли футболчингиз Аббос Амонов заҳирадан майдонга бутсада тушдими ёки конкидами? (Бобомурод Абдулла)
- Шу фикрни мен ўйиндан сўнг Аббосга айтдим. Футболчи бутса танлашда адашиши нопрофессионалликдан далолат беради. Бунга тўғри эътибор қаратибсиз. Фикрингизга қўшиламан.

- Александр Мерзляков одатда ярим ҳимояда ўйнаб, хужумларни ташкил қилишди фаол иштирок этарди. Лекин бугун у шу ишни амалга ошира олмади. Бунга сабаб нима?
- Мени берган кўрсатмам бўйича унинг вазифаси олдинги ўйинлардагидай эди. Лекин хайронман бугун у хужумларни ташкил қилишди иштирок этмади. Худди боя айтганимдай жамоам каби Мерляковни ҳам таний олмадим.

- Сизнинг фамилиянгиз КрУИшенкоми ёки КрИУшенкоми. Чунки бугунги ўйин қайдномасида ва таблода "Бунёдкор" матбуот хизмати КрУИшенко деб ёзган (Бобомурод Абдулла).
- Йўқ бу хато. КрИУшенко ёзилади. (бу вазиятни "Бунёдкор" матбуот котиби раҳбари Мирзаҳаким Тўхтамирзаев имловий хатога йўл қўйилгани билан изоҳлади.)

- Боя, ўйинчиларим "Бунёдкор"дан чўчиб ўйнади, деб айтдингиз. Беларусда ҳам БАТЭни кўрганда тиззалари қалтирайдиган жамоалар ҳам борми?(Бобомурод Абдулла)
- Ҳа бундай жамоалар бор! Менимча, инсон қалбида қуён бўлса, ҳар чанд уринмай уни йўлбарс қилиб тарбиялай олмайсиз!

- Учинчи гол бўйича фикрингизни билдириб ўтсангиз...
- Нимасига изоҳ бераман. Ахир стадион таблосида ўзингиз кўрдингизку ўша вазиятни яна қандай изоҳлашим мумкин. Бунақа вазиятларни, бундай қарор чиқарган ҳакамлар ҳақида гапириш менимча, фойдасиз.