Томас Тухель ўз шогирди Ромелу Лукаку ҳақида гапирди. Немис мутахассиси раҳбариятдан бельгиялик ҳужумчига нисбатан сабрлироқ бўлиши кераклигини қўшимча қилди.

«Бизга кўпроқ сабр керак. Ҳали ҳам ундан умидим катта, чунки Лукаку ажойиб футболчи. Биз Ромелуга ишонамиз, чунки у ўзи ўйнаган ҳар бир клубда савиясини кўрсатган», деди Тухель «Кристал Пэлас»га қарши ўйин олдидан ўтказилган матбуот анжуманида.

Эслатиб ўтамиз, жорий мавсумда Лукаку «Челси» сафида АПЛда атиги 5 та гол урган. Ўтган мавсумда бельгиялик футболчи «Интер» сафида А серийада 24 та гол уришга муваффақ бўлган эди.