Tomas Tuxel o‘z shogirdi Romelu Lukaku haqida gapirdi. Nemis mutaxassisi rahbariyatdan belgiyalik hujumchiga nisbatan sabrliroq bo‘lishi kerakligini qo‘shimcha qildi.

«Bizga ko‘proq sabr kerak. Hali ham undan umidim katta, chunki Lukaku ajoyib futbolchi. Biz Romeluga ishonamiz, chunki u o‘zi o‘ynagan har bir klubda saviyasini ko‘rsatgan», dedi Tuxel «Kristal Pelas»ga qarshi o‘yin oldidan o‘tkazilgan matbuot anjumanida.

Eslatib o‘tamiz, joriy mavsumda Lukaku «Chelsi» safida APLda atigi 5 ta gol urgan. O‘tgan mavsumda belgiyalik futbolchi «Inter» safida A seriyada 24 ta gol urishga muvaffaq bo‘lgan edi.