«Ливерпуль» ярим ҳимоячиси Фабиньо жамоасининг январь ойидаги энг яхши футболчиси деб топилди.

28 ёшли бразилиялик мерсисайдликлар жамоасига 2018 йилда «Монако»дан келиб қўшилган эди. Умуман олганда, у «Ливерпуль» таркибида 150 та ўйинда майдонга тушиб, 9 та гол урди ва 8 та голли узатмани амалга оширди.

Маълумот учун, ўтган ой Фабиньо Премьер-лигада 3 та, Лига кубогида 2 та ва Англия кубогида 1 та ўйин ўтказди. Унинг ҳисобида 4 та гол бор.