Испания чемпионати 32-тури доирасида ўз майдонида «Расинг»ни мағлубиятга учратган «Малага» мусобақа жадвалида учинчи ўринга кўтарилиб олди.
«Ла Росаледа» стадионида бўлиб ўтган баҳс «Малага»нинг йирик ҳисобдаги ғалабаси билан якунига етди. Голлар Иско, Санти Касорла ва Рууд ван Нистелрой ҳисобига ёзилди.
Таъкидлаш жоиз, «Расинг» учрашувнинг аксарият вақти давомида майдонда бир киши кам бўлиб ҳаракат қилди: жамоа ҳимоячиси Франсис 3-дақиқадаёқ майдондан четлатилган эди.
Айни вақтда «Малага» ҳисобида 50 очко бор ва бу тўртинчи ўринни эгаллаб турган «Валенсия»нинг кўрсаткичидина бир очкога кўп демак.
Испания Ла Лигаси, 32-тур
9 апрель, душанба
МАЛАГА – РАСИНГ 3:0 (1:0)
Голлар: Иско (22), Касорла (64), ван Нистелрой (84).
Четлатиш: Франсис (3, Расинг).