"Тоттенхэм" устози Антонио Конте трансферлар борасидаги фикрларини асослаб берди. У шундай дейди:

"Менга олдин ҳам бу борада кўп савол берилган. Мен клубнинг қарорини ҳурмат қиламан. Биз тўртта футболчимизни йўқотдик ва бу ўйинчилар жуда ҳам муҳим эди, деганман. Чунки бу футболчилар сотилмади, ижарага берилди. "Тоттенхэм" эса катта пул сарфлади. Катта пул деганда, муҳим ўйинчилар ҳақида гапирилётганини англайсиз.

Менга эса лигада рақобат қилишни таъминлайдиган футболчилар зарур. Агар менда 20 та футболчи бор деб ҳисоблаганингизда ҳам, ҳозир 18 та қолган. Негаки, 4 та футболчи бериб, 2 та сотиб олдик. Бу дегани, сиз нисбатан кучсизланасиз. Сон жиҳатдан, албатта. Кулусевски ҳамда Бентанкур билан жамоа нисбатан тўлдирилди. Лекин тўлиқ эмас".