«Лидс» ярим ҳимоячиси Дениэль Жеймс ўзининг собиқ жамоаси «Манчестер Юнайтед» билан бўлажак баҳс ҳақида гапирди.

Эслатиб ўтамиз, уэлслик футболчи Криштиану Роналду трансферидан сўнг клубини ўзгартирган эди, чунки «манкунианликлар» раҳбарияти ҳужум чизиғида ўйинчиларнинг кўплиги муаммосини ҳал қилишни ўз зиммасига олган.

«Мен «Манчестер Юнайтед»да ажойиб вақтларни ўтказдим. У ерда омадсизликка учрадим деб айта олмайман, ҳисобимда яхши ўйинлар ҳам кўп.

Бу ўзимни кўрсатиш учун ажойиб имконият эди. Гол киритсам, нишонлайманми? — Албатта. Менда ҳеч кимга нисбатан ортиқча нафрат йўқ, Манчестерда ҳали ҳам кўп дўстларим бор», - дея Жеймснинг сўзларини келтиради The Athletic.