«Аякс» ярим ҳимоячиси Райан Гравенберх «Бавария» қизиқишлари доирасига тушди.

De Telegraaf нашри хабарига кўра, немис клуби 19 ёшли футболчини 25-30 миллион еврога сотиб олиши мумкин.

Олдинроқ голландиялик футболчига «Реал» ҳам қизиқиш билдиргани ҳақида хабарлар тарқалган эди.

Маълумот ўрнида, Гравенберх жорий мавсумда «Аякс» таркибида 29 та ўйинда майдонга тушиб, 1 та гол ва 4 та голли узатмани амалга оширди. Унинг бозор қиймати 35 миллион еврони ташкил қилади.