«Челси» бош мураббийи Томас Тухель «Кристал Пэлас» устидан қозонилган ғалаба ҳақида фикр билдирди. «Челси» Премьер-лигада «бургутлар»га қарши кечган учрашвда Ҳаким Зиешнинг голи эвазига ғалаба қозонди
«Ҳар бир жамоада бу мавсумда шундай ўйинлар бўлади, айниқса декабрь, январь ва февраль ойларида шундай бўлади. Агар дуранг ўйнаганимизда, эҳтимол бу ўйин ҳақида одатдагидан узоқроқ гаплашган бўлардик, лекин биз ғалаба қозондик ва буни унутиб, кейинги ўйин ҳақида бош қотиришни бошлаймиз.
Футболчиларим бироз чарчаган. Ҳамма қўлидан келганича ҳаракат қилмоқда ва курашмоқда, шунинг учун ғалаба қозонишда давом этиш муҳим», деди Томас.
