«Chelsi» bosh murabbiyi Tomas Tuxel «Kristal Pelas» ustidan qozonilgan g‘alaba haqida fikr bildirdi. «Chelsi» Premyer-ligada «burgutlar»ga qarshi kechgan uchrashvda Hakim Ziyeshning goli evaziga g‘alaba qozondi
«Har bir jamoada bu mavsumda shunday o‘yinlar bo‘ladi, ayniqsa dekabr, yanvar va fevral oylarida shunday bo‘ladi. Agar durang o‘ynaganimizda, ehtimol bu o‘yin haqida odatdagidan uzoqroq gaplashgan bo‘lardik, lekin biz g‘alaba qozondik va buni unutib, keyingi o‘yin haqida bosh qotirishni boshlaymiz.
Futbolchilarim biroz charchagan. Hamma qo‘lidan kelganicha harakat qilmoqda va kurashmoqda, shuning uchun g‘alaba qozonishda davom etish muhim», dedi Tomas.
