Қозоғистон пойтахти Остона шаҳридаги "Астана Арена" стадионида бўлиб ўтган "Астана" - "Иртиш" ўйинида 8 000 ишқибоз томоша қилди, дея хабар беради sportlive.kz.
Бу кўрсаткич Қозоғистон премьер-лигасининг мухлислар ташрифи бўйича бу йилги рекордини янгилади.
Қизиғи, аввалги рекорд ҳам шу "Астана" жамоаси билан боғлиқ: Пойтахтликлар 1 апрель куни Алмати шаҳрида "Қайрат" меҳмони бўлган ўйинда 7 000 томошабин ташриф буюрган эди.
Ишқибозлар ташрифи бўйича 3-ўринни икки учрашув эгалаган. Булар - Павлодардаги "Иртиш" - "Шахтёр" ва Алматидаги "Қайрат" - "Ўқжетпес" ўйинларидир, 6 500 томошабиндан.
Пойтахтликларнинг 10 март куни "Тараз"ни қабул қилган биринчи уй учрашувига ҳам 5 000 томоўабин ташриф буюрган эди.
