Жамоамиз Анталия йиғини доирасида 5та назорат ўйини ўтказиб, 2 ғалаба, 2 дуранг ва 1 мағлубият қайд этди.
АГМК Қозоғистон премьер лигаси жамоалари «Каспий» ва «Атирау» устидан ғалаба қозонган бўлса, Сербиянинг «Инджия» ва Латвиянинг «Ауда» жамоалари билан дуранг ўйнади. Фақатгина Россия жамоаси «Нефтехимик» билан бўлган жанговор баҳсда (3:4) мағлубиятга учради.
Йиғин доирасидаги ўйинларда Хуршид Ғиёсов (3), Боакье (2), Гадоев, Мишенко ва Абдураззоқов жамоамиз голларига муаллифлик қилишди.
АГМК 20 февраль куни Анталия-Тошкент йўналиши орқали Ўзбекистонга қайтади ва Суперлиганинг дастлабки тури доирасидаги «Металлург»га қарши ўйинга тараддудни пойтахтда давом эттиради.
