Англиянинг "Ливерпуль" клуби бош мураббийи Кенни Далглиш Англия ФА ҳакамлар корпуси ишидан қониқиш ҳосил қилмаётганини таъкидлади.
"Сўнгги ўйинларда ҳакамлар ўйин пайтида бизнинг жамоамиза қарши шундай қарорлар чиқаришаяптики, баъзида "Ливерпуль"га нисбатан "ўйин" бошлашганми, дея ўйланиб қоласан киши.
"Бу борада ҳакамлар корпусидан бирон бир расмий одам чиқиб, бизга нималар бўлаётганини тушинтириб берса яхшироқ бўлар эди. Сўнгги учта ўйинда "Ливерпуль" ҳакамларнинг тушунарсиз қарорларидан азият чекди. Очиқроқ айтадиган бўлсам, бизни "синдиришмоқда".
Бу борада бир-биримизга ҳурмат билан қарасак тўғри бўлар эди. Бу нарсалар давом этиши мумкин эмас", дейди Далглиш ESPN мухбири билан бўлган суҳбатда.