ОФК 16 ёшгача бўлган ўсмирлар ўртасидаги Осиё чемпионатига қуръа ташлаш механимизмини эълон қилди. Қуръа ташлаш маросими 10 май куни Теҳронда бўлиб ўтади. 16та терма жамоа 2010 йили бўлиб ўтган Осиё чемпионати якунларига кўра рейтингга ва саватчаларга ажратиб чиқилган.

Эрон терма жамоаси мезбон сифатида 1-саватчадан ўрин эгаллайди ва "А" гуруҳининг 1-поғонасига жойлашади. Ўзбекистон ўсмирлар терма жамоаси ҳам 1-саватчадан қуръага тортилади. Шунингдек, КХДР (шу ёш тоифасида Осиё чемпиони) ва Австралия (ярим финалда нисбатан кичикроқ ҳисобда ютқазган) ўсмирлар терма жамоалари ҳам энг юқори саватчада бўлишади.

Жанубий Корея ўсмирлари эса Тошкентдаги Осиё чемпионатида қатнашмагани учун (саралашдан ўта олмаган) сўнгги саватчадан қуръа тортилади.

Ўсмирлар ўртасидаги Осиё чемпионатида иштирок этадиган терма жамоалар рейтинги ва саватчалар таркиби:

1-саватча
1. Эрон (мезбон)
2. КХДР    
3. Ўзбекистон   
4. Австралия

2-саватча:
5. Япония    
6. Сурия    
7. Ироқ   
8. Кувайт

3-сачатча   
9. Хитой
10. Уммон
11. Саудия Арабистони
12. Яман

4-саватча:
13. Таиланд
14. Лаос
15. Жанубий Корея
16. Ҳиндистон