Британия ОАВ хабарларига кўра, клуб сардорлик боғичини икки футболчи талашишмоқда. Манба тарқатган хабарларга кўра, Криштиану Роналду «Манчестер Юнайтед»нинг янги сардори бўлишни хоҳламоқда, аммо жамоанинг баъзи аъзолари бунга қаршилик билдиришмоқда.
Жамоа аъзолари Магуайрни қўллаб-қувватлашади, лекин Роналду жамоага катта таъсир ўтказа олишини тан олишади
Биринчи хабарни Mirror нашри инсайдери Дэвид Макдоннел тарқатди: «Ральф Рангник, Роналду ва Гарри Магуайр мавсум якунига қадар сардорлик боғичини алмаштириш масаласини муҳокама қилишди. Мураббий бу қарор орқали жароҳатдан сўнг формасини тиклай олмаётган Магуайрга нисбатан мухлисларнинг эътирозини камайтиришга ҳаракат қилмоқда».
Кейинчалик шунга ўхшаш бошқа хабарлар ҳам тарқалди:
Жамоанинг баъзи футболчилар Роналду англиялик футболчининг ўрнига сардор бўлишига ишончи комил;
Футболчилар саросимага тушиб қолишди: улар Магуайрни сардор сифатида қолдириш керак, деб ҳисоблайдилар, лекин улар Роналдунинг жамоага катта ёрдам бера олиши тан билишади;
Португалиялик доимий равишда Магуайрни сардор сифатида қўллаб-қувватлашини айтди, аммо клуб мувафақиятсизликка учраса, барча юк Гаррининг елкасига тушишини истамаяпти.
Роналду ҳақиқатан ҳам «МЮ» футболчиларига сардорлик қила олади
«Роналду фаолияти давомида юқори натижаларга эришиш учун қилган ишлари жамоанинг бошқа ўйинчиларига ҳам таъсир қилди. Мен бундан жуда мамнунман», - дейди «Манчестер Юнайтед»нинг собиқ бош мураббийи Сульшер.
Бу эса мантиқан тўғри: «Олд Траффорд»даги илк кунларданоқ португал мотиватор режимини ёқиб олди.
Криштиану Роналду
«Мен ғалаба қозониш менталитетини яратмоқчиман. Бир кун бутсаларимни михга илмоқчи бўлса ҳам, бу менталитет жамоада қолади. Мен «Манчестер Юнайтед» учун қўлимдан келганини қиламан».
Роналдунинг клубдаги обрўси баъзи мураббийларникидан ҳам баландроқ. Буни баъзи футболчилар билдирган фикри орқали исботлаш мумкин.
Диогу Далот
«Ҳар бир футболчининг ўзига хос одатлари бор. Мисол учун ҳозир ўйин олдидан меҳмонхонада бўлганимизда доим Криштиану билан қаҳва ичамиз. Бу аллақачон одатий ҳолга айланган. У мени кофе ичишга таклиф қилди, аммо мен бу ичимликни ёқтирмасдим. Лекин, Роналду билан бир оз гаплашиш ва ўйин ҳақида фикр алмашиш учун унинг таклифини қабул қилдим».
Сентябр ойида «Манчестер Юнайтед»нинг захира дарвозабони Ли Грант шундай дейди:
- Жума оқшомида ҳар бир футболчи кечки овқатдан кейин олма пироги, қаймоқ, шоколадли торт ёки бошқа ширинлик ейиши мумкин. Лекин ўша куни бирорта футболчи ширинликка тегмади. Бунақа воқеа аввал ҳеч қачон содир бўлмаган эди. Ҳаммани Криштиану нима ейиши қизиқтирарди. Унинг косасида куиноа, авакадо ва бир жуфт қайнатилган тухум бор эди. Шунинг шундан сўнг ҳеч ким ширинлик ва шунга ўхшаш таом истеъмол қилишга журъат эта олмади».
Роналду ўзини жамоа етакчиси сифатида тан олинишни хоҳламоқда, деб ёзади Daily Mail нашри. Баъзи ўйинчилар (асосан, португалияликлар) буни тўғри қабул қилишди, бошқалари эса ўз норозилигини билдирган. Рангник можарога йўл қўймаслик учун Фернандеш, Маркус Рэшфорд ва Поль Погба билан шу мавзуда маслаҳатлашгани хабар қилинди.
Магуайр ва Рангник миш-мишларни рад этишди, Роналду ҳамон жим
Кийиниш хонасидаги келишмовчилик ҳақидаги миш-мишларни Рангник рад этди: «Мен ҳеч қачон жамоада сардорни алмаштириш мавзусини кўтармаганман. Бу биз учун муаммо эмас. Сардорлик боғичини ким олиши менга боғлиқ. Гарри Магуайр бизнинг сардоримиз ва шундай бўлиб қолади», — дея Рангник сардорлик боғичи мавсум охиригача Магуайрда қолишини таъкидлади.
Гарри Магуайр
«Мен «Манчестер Юнайтед» ҳақида жуда кўп ёлғон хабарларга дуч келганман ва бу улардан бири. Мен у ОАВда ёзилганларнинг ҳаммасига изоҳ бермайман, лекин бу масалага ойдинлик киритиш керак. Биз бир жамоамиз ва клубда ҳеч қандай муаммо йўқ. Ҳаммага хайрли кун»
«Манчестер Юнайтед» кўплаб мухлислари Магуайрга нисбатан салбий муносабат билдиришмоқда. Улар анчадан бери Рангникдан ҳимоячини захира футболчисига айлантириб, сардорлик боғичини олиб қўйишни сўрашмоқда. Бу «Бёрнли»га қарши кечган 1:1 ҳисобидаги ўйиндан сўнг яна кучайди, ҳимоячининг кетма-кет иккита хатоси гол ўтказиб юборилишига олиб келди.
Криштиану эса сардорлик боғичи туфайли юзага келган можаро ҳақидаги маълумотга ҳозирча изоҳ бермади. Бундай муаммолар «Лидс» билан ўйин олдидан жамоага ёмон таъсир кўрсатиши мумкин.
***
Агар Гарри Магуайрнинг кийиниш хонасидаги обрўси чиндан ҳам пасайиб кетган бўлса, сардор этиб Роналдуни эмас, балки Бруно Фернандешни тайинлаш мантиқан тўғри бўларди. Айнан Фернандеш инглиз футболчиси йўқлигида жамоани сардор сифатида майдонга олиб чиқади.
Боз устига, Криштиану Роналдунинг «Манчестер Юнайтед»даги келажаги ноаниқлигича қолмоқда. Португалиялик футболчи фаолиятининг сўнгги икки йилини ўртамиёна сифатита ўтказишни истамаяпти. Турли инсайдерларнинг хабарига кўра, Роналду «Юнайтед» кейинги мавсумда Чемпионлар лигасига йўлланма олсагина «Олд Траффорд»да қолишини айтган.
Шундай экан, тўрт ойдан кейин жамоадан кетиши мумкин бўлган футболчини сардор этиб тайинлашнинг маъноси йўқ. Ҳатто у Криштиану Роналду бўлса ҳам.
