Деян Кулусевски «Ювентус»даги сўнгги ойлар у учун оғриқли бўлганини айтди.

Ярим ҳимоячи январь ойида «Тоттенхем»га ижарага берилган эди ва кеча «Манчестер Сити»га қарши ўйинда ўзининг дебют голини урди (3:2).

«Охирги ойларда мен жуда кўп азоб чекдим. Ўзимни керакли жойида эмасдек ҳис қилардим.

Мен хотиржам бўлишим ва кўп нарсаларни ўйламаслигим керак эди.

Конте билан ишлаш ажойиб, у фақат ғалаба қозонишни хоҳлайди. Агар у ғалаба қозонмаса, кайфияти тушиб кетади. Биз қаттиқ меҳнат қиламиз ва мураббийни тинглашимиз керак. Шунда ҳаммаси яхши бўлади», - деди ярим ҳимоячи.