Кириш Регистрация
28/03 19:00 Динамо 2-1 Металлург
29/03 19:00 ОКМК - Бунёдкор
29/03 19:15 Қизилқум - Локомотив

Хорхе Солари: "Моуриньо жирканч одам, Гвардиола эса жентльмен"

Баҳо:
+ | -

Аргентиналик 70 ёшли футбол мутахассиси Хорхе Солари Испаниянинг икки гранд клубига баҳор берар экан, ҳар иккичи яхши ишлаётганини, бироқ унга "Барса" мураббийси ёқиши ҳамда Мессини футбол тарихидаги энг яхши ўйинчи деб билишини айтган.

Айни вақтда Мадриднинг "Реал" клуби турнир жадвалида энг яқин таъқибчисидан тўрт очко олдинда бормоқда. Жамоа 2007-08 мавсумдан буён илк бор "Барселона" яккаҳокимлигига чек қўйиши мумкин, бироқ Соларининг фикрича, "Барса"даги ҳамкасбидан фарқли ўлароқ, "Реал" мураббийи Моуриньо футболда ҳеч қачон таассуб объекти бўла олмайди.

"Моуриньо яхши инсон эмас, у нафратга лойиқ жирканч одам, — деган COMRadioга берган интервьюсида Солари. — У рақибларига ўрнак бўла оладиган даражада эмас".

"Уларнинг ҳар иккиси буюк мураббийлардир, бироқ Гаврдиола гапирганда, хоҳ у ютган бўлсин, хоҳ ютқазган бўлсин,  кишиларда унга нисбатан норозилик ҳисси уйғонмайди. Фикримча, Моуриньога нисбатан Пеп ўзини яхшироқ тутади ва ифода этади".

"Реал"нинг собиқ ўйинчиларидан бири Сантьяго Соларининг амакиси ҳисобланувчи Хорхе Солари  "Барселона" юлдузи Лионель Мессини ҳам алқаб қўйди.

"У футбол тарихидаги энг яхши ўйинчи, — деди Солари. — Ўзининг ёшига нисбатан, майдонда кўрсатаётган ўйини, ўйиндан кейин ўзини тутиши, салоҳияти шундан дарак бериб турибди. Бир вақтнинг ўзида у ҳам жиддий, ҳам хушчақчақ йигит".

Манба: goal.com

АҚШда ўтган 1994 йилги Жаҳон чемпионатида Хорхе Солари Саудия Арабистони бош мураббийи бўлган.

Киритилди: 23:38, 10.04.2012.
Ўқилди: 9740 марта.
Фикрлар: 16 та.

ЭНГ КЎП ЎҚИЛГАН ЯНГИЛИКЛАР

Асосий сахифа
© STADION.UZ
Гувоҳнома №0917. Берилган санаси: 02.12.2013. Муассис: «OSIYO KABEL» МЧЖ. Бош муҳаррир: Бўронов Олимхўжа Азимхўжа ўғли. Таҳририят манзили: 100057, Тошкент шаҳри, Уста Ширин 125. E-mail: admin@stadion.uz
Барча ҳуқуқлар ҳимояланган. Сайт материалларидан тўлиқ ёки қисман фойдаланилганда веб-сайт манзили кўрсатилиши шарт.
Блогдаги материаллар учун блог эгаси, хабарлар остидаги фикрлар учун фойдаланувчининг ўзи жавобгар.