"RMC Sport" хабарига кўра, "ПСЖ" ярим ҳимоячиси Марко Верратти 3-5 ўйинга дисквалификация қилиниши мумкин.
Франция чемпионати доирасидаги “Нант”га қарши ўйин (1:3) якунида италиялик футболчи ҳакам номига қўпол сўзлар ишлатган. Шунингдек, ҳакамнинг ишини клуб спорт директори Леонардо ҳам ўйиндан сўнг танқид қилган.
Франция футбол федерациясининг Этика қўмитаси бу сўзлари учун футболчи ва клуб директори жазоланиши мумкинлигини истисно этмаяпти.
Воқеа Профессионал футбол лигаси тартиб-интизом қўмитаси томонидан кейинги йиғилишда кўриб чиқилади ва "ПСЖ" вакилларига қандай жазо қўлланилиши мумкинлиги ҳақида қарор қабул қилинади.
