«Ювентус» ҳимоячиси Леонардо Бонуччи Криштиану Роналду ва туринликларнинг янги ҳужумчиси Душан Влаховични таққослади.

«Душан – рақиб чуқур ҳимояда бўлганида тўпни ўзида ушлаб тура оладиган ўйинчи. У бизга мослашиши ва ўйинини яхшилаши учун озроқ вақт керак. Роналду жамоада бўлган пайт, гўёки ўйин бизнинг фойдамизга 1:0 ҳисобида бошлангандек туюларди. У ўз кучи ва руҳиятини бутун ўйинчиларга сингдира олган. У классик марказий ҳужумчи ва КриРони ҳали жуда ёш бўлган Влахович билан таққослаб бўлмайди», - дея фикр билдиради Бонуччи.

Эслатиб ўтамиз, Влахович қишки трансферлар вақтида «Фиорентина»дан «Ювентус»га ўтди. 22 ёшли сербиялик футболчи туринликлар сафида А серия доирасилаги учта ўйин ўтказиб, битта гол уришга эришди.