Германиянинг «Шальке» клуби «Газпром» билан ҳамкорлик ҳақида баёнот берди.
«Биз Шарқий Европадаги сўнгги воқеаларни ҳаяжон билан кузатиб боряпмиз. Россиянинг «Газпром» энергетика компанияси 15 йилдан бери «Шальке»нинг ишончли ҳамкори ва Германияга газ етказиб берувчи манба ҳисобланади.
«Шальке»нинг масъул ходимлари клубнинг узоқ муддатли ҳомийси билан доимий мулоқотдалар.
Шубҳасиз, «Шальке» тинчлик ва осойишта ҳамкорлик тарафдори. Биз ҳар қандай зўравонлик ва камситишларга қаршимиз.
Клуб вазиятнинг ривожланишини кузатиб боради, уни баҳолайди ва ушбу инқирозга алоқадорларни ҳимоя қилиш учун барчани тинчликка чақиради», - дейилади клуб баёнотида.
