"Ювентус" ҳужумчиси Душан Влахович "Вильярреал"га қарши 1/8 финал биринчи учрашувидан (1:1) кейин ўз таассуротлари билан ўртоқлашди.

У ўйиннинг 32-секундида гол урди. Бу унинг Чемпионлар лигасидаги дебют ўйини.

“Дебютимда гол уриш ажойиб бўлди. Бу жуда ҳиссиётли лаҳза. Лекин жамоам ғалаба қозона олмагани учун менинг 100 фоиз кўнглим тўлмади. Биз қаттиқ ишлашда давом этишимиз керак. Улар яхши ўйин кўрсатишди. Биз бор этиборимизни кейинги ўйинга қаратишимиз керак.

Иккинчи бўлимда яхши ўйнашга ҳаракат қилдик, лекин баъзида рақиб хоҳлаганимизни қилишимизга йўл қўймади", - дея Влаховичнинг сўзларини келтиради УЕФА расмий сайти.