Болгариянинг София шаҳрида бокс бўйича халқаро анъанавий Странжа Кубоги мусобақасининг тўртинчи кунги баҳслари 23 февраль, чоршанба куни бўлиб ўтади.

23 февраль кунги жангларда беш нафар ўзбекистонлик боксчи рингга чиқади. Булар:

Эркаклар:
-51 кг: Ҳасанбой Дўстматов – Евгений Мартинов (Россия);
-75 кг: Саиджамшид Жаъфаров – Мажд Алсафади (Швеция);
+92 кг: Лазизбек Муллажонов – Ярослав Дороничев (Россия).

Аёллар:
-57 кг: Ситора Турдибекова – Даря Абрамова (Россия);
-75 кг: Мавлуда Мавлонова – Анастасия Шамонова (Россия).

Аёллар ўртасидаги баҳслар Тошкент вақти билан 17:00 дан сўнг бошланса, эркаклар ўртасидаги жанглар 21:00 дан кейинга белгиланган.

Эслатиб ўтамиз, мусобақанинг биринчи кунги баҳсларида олти нафар ўзбекистонлик боксчи жанг қилди ва барчаси ғалаба қозонди. Иккинчи кунги баҳсларда Ҳасанбой Дўстматов жангсиз кейинги босқичга йўл олган бўлса, яна 4 нафар боксчи ўз жангини ғалаба билан якунлади. 22 февраль кунги баҳсларда 4 ўзбекистонлик боксчи рингга кўтарилди. Абдумалик Ҳалоков, Одилжон Аслонов ва Мадиёр Саидраҳимов кейинга босқичга йўл олган бўлса, Райҳона Қодирова Косово вакилига ютқазиб қўйди.