Тартиб-интизом қўмитаси йиғилиши бўлиб ўтди. Унда Ўзбекистон Чемпионати, Кубоги, Биринчилиги, шунингдек, Ўзбекистон Биринчилиги ўйинларидаги қоидабузарликлар бўйича қарор қабул қилди.

Олий Лига
«Андижон»га қарши 1-тур учрашувида мухлислар шаънига номаъқул фикрларни билдиргани учун майдондан четлатилган «Металлург» ҳимоячиси Файзулло Аҳмедов учта ўйинга дисквалификация қилинди.

Ёшлар Биринчилиги
«Насаф»га қарши 1-тур учрашувида оёғи билан рақибига жароҳат етказиш мақсадида қасддан зарба бергани учун майдондан четлатилган «Динамо» ҳимоячиси Бобур Насимов тўртта ўйинга дисквалификация қилинди.

«Локомотив»га қарши 1-тур учрашувида рақибига жароҳат етказиш мақсадида икки оёғи билан сакраб чиққани учун майдонда четлатилган «Шўртан» яримҳимоячиси Толиб Очилов тўртта ўйинга дисквалификация қилинди.

«Олмалиқ»га қарши 2-тур учрашувида учрашув бош ҳаками ва унинг ёрдамчиси шаънига номаъқул фикрларни билдиргани учун майдондан четлатилган «Пахтакор» ҳужумчиси Игорь Сергеев учта ўйинга дисквалификация қилинди.

Биринчи Лига
«Пахтакор-2-Чилонзор»га қарши 2-тур учрашувида қўли билан рақибига қасддан зарба бергани учун майдондан четлатилган «Косонсой» ҳимоячиси Искандар Нарзуллаев иккита ўйинга дисквалификация қилинди.
«Косонсой»га қарши 2-тур учрашувида қўли билан рақибига қасддан зарба бергани учун майдондан четлатилган «Пахтакор-2-Чилонзор» ҳужумчиси Оятуллохон Муҳитдинов учта ўйинга дисквалификация қилинди.

Кубок
«Сўғдиёна»га қарши 1/16 финал босқичи учрашувида ҳакамнинг ҳаракатларига аралашгани учун четлатилган «Пахтакор-2-Чилонзор» мураббийи Нўъмон Ҳасанов жаримага тортилди.

«Южанин» (Навоий) – «Пахтакор» (Тошкент) учрашуви якунига етганидан сўнг (1:2), майдонга икки нафар ишқибоз югуриб чиқиб, ҳакамга унинг ҳаракатларидан норози эканликларини билдиришган. Шу сабаб, Навоий клубига огоҳлантириш эълон қилинди ва бу каби ҳолат такрорланадиган бўлса, Мусобақалар регламентига асосан санкциялар кўрилади.