Болгариянинг София шаҳрида 24 февраль, пайшанба куни бокс бўйича халқаро анъанавий Странжа Кубогининг бешинчи кунги баҳслари бўлиб ўтди.

-57 кг вазн тоифасида Абдумалик Ҳалоков қозоғистонлик Оразбек Асилкуловни мағлуб этиб, ярим финалга йўл олди. Одилжон Аслонов эса англиялик Жорж Кротти устидан ишончли ғалабага эришиб, ярим финал масаласини ҳал қилди. Саиджамшид Жаъфаров украиналик, Жаҳонгир Раҳмонов эса қозоғистонлик боксчига мағлуб бўлиб, мусобақа билан хайрлашди.

Шу ва бошқа натижалар билан қуйида танишинг:

Эркаклар:
-57 кг: Абдумалик Ҳалоков — Оразбек Асилкулов (Қозоғистон) 5:0
-63,5 кг: Мужибилло Турсунов — Красимир Журов (Болгария) 5:0
-67 кг: Жаҳонгир Раҳмонов — Дулат Бекбаёв (Қозоғистон) 0:5
-75 кг: Саиджамшид Жаъфаров — Олександр Хижняк (Украина) 0:5
-80 кг: Одилжон Аслонов — Жорж Кротти (Англия) 4:1.

Аёллар:
-52 кг: Турсуной Раҳимова — Светлана Солянова (Россия) 5:0
-81 кг: Соҳиба Рўзметова — Анастасия Баязитова (Қозоғистон) 0:5.

Аввалроқ, Ҳасанбой Дўстматов, Лазизбек Муллажонов, Мадиёр Саидраҳимов ярим финал йўлланмасини ҳал қилган эди. Райҳона Қодирова, Ситора Турдибекова, Мавлуда Мавлонова эса мусобақа билан эрта хайрлашди.