Ўзбекистон XXXI миллий чемпионат баҳслари бошланишига ҳам бир ҳафта вақт қолмоқда. Янги мавсумга қизғин ҳозирлик кўраётган Бекободнинг “Металлург” жамоаси тайёргарликнинг сўнгги босқичини ўз уйида ўтказмоқда. Туркия йиғинидан кейин маълум муддат машғулотлар Бекобод шаҳридаги “Цементчи” ўйингоҳида олиб борилганди. Икки кундан буён эса машғулотлар “Металлург” стадионига кўчди.

Янги мавсум арафасида футболчиларнинг ўйинга чанқоқлиги яққол кўзга ташланиб турибди. Мураббийлар штаби ҳар куни икки маҳалдан тайёргарлик ишларига зўр беришган. Куннинг биринчи ярмида футболчиларга жисмоний юкламалар берилмоқда. Ўйинчилар гуруҳларга ажратилиб, тренажер залида шуғулланишмоқда. Куннинг иккинчи ярмида эса очиқ майдонда, жамоа ўйинини шакллантириш, тўп билан кўпроқ ишлаш машқларига алоҳида эътибор қаратиляпти.