“Брага” ҳужумчиси Рикарду Орта Европа лигасида ҳафтанинг энг яхши футболчиси деб топилди.

Европа лигасининг 1/16 финали жавоб ўйинида "Шериф"га қарши ўйинда Орта гол урди ва голли узатмани амалга оширди. Асосий ва қўшимча бўлимларда 2:0 ҳисоби қайд этилди. Пенальтилар сериясида "Брага" кучлироқ чиқди ва Орта дастлабки 11 метрлик пенальтини аниқ амалга оширди.

Европа Лигасида ҳафтанинг энг яхши футболчиси номига Ортадан ташқари Медҳи Тареми (“Порту”), Жеймс Тавернер (“Рейнжерс”) ва Руслан Малиновский (“Аталанта”) даъвогарлик қилишди.