"Ливерпуль" бош мураббийи ёрдамчиси Пеп Линдерс ҳужумчи Роберто Фирмино "Челси"га қарши Англия лига кубоги финалида майдонга туша олмаслигини айтди.
"Фирминонинг ҳолатини аниқлаш учун бизга яна икки кун керак. У жуда қаттиқ ҳаракат қилади, лекин афсуски, у финалда майдонга тушмайди ва таркибга киритилмайди. У тез орада қайтиб келади деган умиддамиз, чунки Роберто жамоамиз учун қанчалик муҳим эканини ҳаммамиз биламиз.
Диого Жотага келсак, у бугун яхши машқ қилди, бу яхши белги. У "Челси"га қарши ўйнай олиши мумкин, аммо бу ҳали ҳам савол остида", - дея Линдерснинг сўзларидан иқтибос келтирган мерсисайдликлар матбуот хизмати.
"Челси" ва "Ливерпуль" ўртасидаги Англия Лига кубоги финали 27 февраль куни, Тошкент вақти билан соат 21:30да бошланади.
