"Арсенал"нинг яқин ўтмишдаги машҳур ҳимоячиси Сол Кэмпбеллнинг фикрича, "канонирлар" ёзда ўзларининг энг яхши ҳужумчиси Робин ван Персини сақлаб қолишлари учун таркибни жиддий равишда мустаҳкамлашлари талаб этилади.
"Ван Перси мавсумни ҳайратланарли тарзда якунламоқда. "Арсенал" эса жиддий масалаларни ҳал қилишга қодир бўлган бир қанча ўйинчиларни сотиб олиши керак бўлади. Мободо клуб шундай футболчиларни харид қилмаса, Робин жамоада амбиция йўқ экан, деган хулосага келади ва кетиб қолади. "Арсенал" зудлик билан майдонда ҳам, захира ўриндиғида ҳам вазиятни ўзгартира оладиган бир қанча футболчилар олиши лозим", — дея таъкидлаган Кэмпбэлл.
Эслатамиз, Англия Премьер-лигасининг жорий мавсумида 28 ёшли нидерланд ҳужумчиси 33 ўйинда 27 та гол уришга муваффақ бўлган.
