Туриннинг «Ювентус» клуби бош мураббийи Массимилиано Аллегрининг фикрича, Турин клуби чемпионлик учун давогар эмас.

«Биз чемпионлик пойгасидан чиқдик. А серияда ғалаба қозониш учун 85 очко тўплашимиз керак, менимча, биз бу натижага эриша олмаймиз. Биз ҳали Италия кубоги ярим финалида «Фиорентина»га қарши ва Чемпионлар лигасида «Вильярреал»га қарши ўйнаганимиз йўқ. Айни дамда мавсум яхши ўтмоқда. Ҳозирча иккита мусобақада ғалаба қозониш имконимиз бор», - дея фикр билдиради италиялик мутахассис.

26-турдан кейин «Ювентус» А серияда пешқадам «Милан»дан 10 очко ортда қолиб, тўртинчи ўринда бормоқда.