Якунига етган Ўзбекистон Супекубоги учрашувидан сўнг "Пахтакор" жамоаси устози Славче Войнески ўйин ҳақида фикр билдирди.
"Футболчиларимни табриклайман. Улар майдонда борларини беришди, имкон борича яхши ўйнашга интилишди. Яхши шаклланган жамоага қарши ўйнадик. Биринчи бўлимда баъзи хатолар юзага келди, тўп узатишларда камчиликлар кузатилди.
Танаффусда буни тузатиш устида гаплашдик. Иккинчи бўлимда эса ўйинни назорат қилдик. Устунлигимиз фойда берди. Суперкубок бизга қўшимча масъулият юклайди. Мавсум якунида ҳам совринларни қўлга киритган ҳолда учрашишни истайман.
Суюновнинг эски жароҳати безовта қилди. Тўлиқроқ маълумотни кейинроқ билиб оламиз.
Барча футболчида имконият бўлади. Қандай ўйнашимиз турли ҳолатларга боғлиқ. Алдамчи тўққизлик ёки бошқа вазифалар юкланган ҳолда футболчиларни майдонга туширишим мумкин. Улар турли ҳолатларга тайёр туриши керак", дейди "шерлар" устози.
