Кеча биринчи лигада жамоалар 3-тур беллашувларини ўтказишди. Қаршининг “Насаф-2” жамоаси ушбу турда ўз майдонида “Хива” жамоасини қабул қилиб кичик ҳисобда имкониятни бой берди. Ўйиндаги ягона голга меҳмонлар аъзоси Р.Юлдошев муаллифлик қилди.
 
Таъкидлаш жоизки, Шуҳрат Тошпўлатов бошқарувидаги жамоа кетма-кет учинчи учрашувда кичик ҳисобда имкониятни бой бермоқда.
 
— Умуман олганда шогирдларим ёмон ўйин намойиш этишаётган йўқ, — дейди мураббийнинг ўзи. — Фақатгина бирозгина тажрибасизликми, омадсизликми бизни мағлубиятга етакламоқда. Охирги учрашувимизда ҳам рақибимиз ўзи яратган иккита имкониятни биттасини голга айлантириб, ғалабани илиб кетди. Бизда эса кўплаб имкониятлар бўлсада, уларни голга айлантиришда қийинчиликка дуч келаяпмиз. Умид қиламанки, кейинги ўйинларда йигитлар ғалабали юришларини бошлашади.
 
Эслатиб ўтамиз, “Насаф-2” футболчилари кейинг учрашуви 15 май куни Қаршида “Бухоро-2” жамоаси меҳмони бўлади. Қизиғи, ҳар иккала жамоа аъзолари айни пайтда ўтказилган учта учрашувдан сўнг ўз ҳисобларига бирорта ҳам очко жамғаришмаган ва мос равишда турнир жадвалининг сўнгги поғоналарини эгаллаб туришибди.
 
Ўзбекистон биринчилиги. Ғарбий минтақа. 3-тур. 12.04.2012.
«НАСАФ-2» (Қарши) – «ХИВА» (Хива) 0:1 (0:1)
Ҳакамлар: Р.Бобомурадов (Навоий), Е.Закутилин (Навоий), О.Абдувасилов (Тошкент), Ш.Рузиқулов.
Назоратчи: Д.Роман (Тошкент).
Гол: Р.Юлдашев (39).
Қарши. 125 томошабин.
«Насаф-2»: Алибек туробов, Илҳом Усубжонов Хусан Қурбонов, Бекзод  Бўриев (Сарвар Холмуродов, 83), Ўктам Ибрагимов, Улуҳбек  аннаматов, Наримон Ҳасанов (Рустам Жўраев, 65),  Жавоҳир Ашуров (Илёс Пардаев, 56), Азамат Алланиёзов (Зоҳир Қўзибоев, 57), Обид Маматов, Ойбек Полвонов (с).