"Парма" билан шартномасини 2023/2024 йилги мавсум охиригача узайтирган италиялик дарвозабони Жанлуижи Буффон янги шартнома имзоланганидан кейинги ҳис-туйғулари билан ўртоқлашди.
“Бугун мен ва бутун оилам учун жуда яхши кун. “Парма” билан шартномамни 2024 йилгача узайтирдим. Бир неча ой олдин бу ерга қайтиб келдим, чунки мен шаҳар ва одамлар билан кучли боғланиб қолганман. Энди бу алоқа янада мустаҳкамланди.
Умид қиламанки, мухлислар ва бутун шаҳар мен ва фарзандларим каби бахтлидир. Мен ҳеч қачон ёш юкини ҳис қилмаяман. Фақат янги ва ижобий энергия, шунингдек, биргаликда амалга ошириш мумкин бўлган ажойиб орзулар!", - дея ўз Twitter саҳифасида хабар қолдирди Буффон.
