Мавсум бошидан бери ғалаба нималигини билмай келаётган "Андижон" жамоаси учун бугунги ўйинда ғалаба қозониш умиди катта эди. Ўз навбатида "Динамо" ҳам уч турдан кейин умуман очко олмаганди. Лекин ўйин ктуилмаганда, меҳғмонларнинг йирик ҳисобдаги ғалабаси билан ниҳоясига етди.
Аввалига, ўйиннинг 5-дақиқасида стандарт вазиятдан сўнг, Рузимбой Аҳмедов ҳисобни очди. Ушбу гол "Динамо"нинг олий лигадаги 700-голи экани ҳақида хабар бергандик. Қизиғи, ушбу гол самарқандликларнинг ушбу мавсумдаги илк голлари эди. Мезбонларнинг олдинга ташланишидан "Динамо" яна фойдаланиб қолди. Қарши ҳужумда Кошелев Иван Нагаевни тўп билан таъминлади. Ёш ҳужумчи эса имкониятни қўлдан бой бермади - 0:2. Иккинчи таймда эса Нагаевнинг ўзи дубл қайд этиб, ҳисобни йирик кўринишга олиб келди.
Ушбу ғалабадан сўнг, "Динамо" ўзининг охирги ўрнини "Андижон"га бўшатиб берди.
АНДИЖОН – ДИНАМО - 0:3 (0:2)
Голлар: Р.Аҳмедов (5), Нагаев (21, 60).
АНДИЖОН: Петухов, Половков, Исаев, Гражюнас, Абдураҳимов, Отахонов, Тоҳиров, Аъзамов (Жўрабоев), Нормуҳамедов, Шишелов, Жўраев
ДИНАМО: Мельничук, Ерохин, Отақулов, Хвостунов, Мустафоев, Рисқуллаев, Кошелев, Жўраев, Бобоев, Нагаев, Р. Аҳмедов
Огоҳлантириш: Андрей Ерохин 26.