"Челси" ҳимоячиси Антонио Рюдигер фаолиятини қаерда давом эттириши ҳақида ҳали бир қарорга келмаган. Германиялик футболчининг вакиллари "ПСЖ" ва "Реал" билан доимий алоқада, деб хабар беради Sky Sports.
Аввалроқ, Франция ва Испания клублари унга "Челси"дан анча кўпроқ пул тўлашга тайёр экани хабар қилинганди.
28 ёшли германияликнинг "Челси" билан шартномаси жорий мавсум охирида якунига этади. Томонлар ҳалигача келишувни узайтириш борасида келишиб олишмаган.
Жорий мавсумда у барча мусобақаларда 37 та ўйинда майдонга тушиб, 4 та гол урди.
