Зарафшоннинг "Қизилқум" жамоаси ўз майдонида "Бухоро"ни қабул қилди мавсумдаги ўзининг илк ғалабасини тантана қилди.
Барча ўйин дурранг натижа билан тугайди деб туришган бир пайтда, зарафшонликлар ҳужумчиси Феруз Бобоқулов катта саҳнага чиқди. Унинг 87-дақиқада киритган голи "Қизилқум"га мавсумдаги илк ғалабани ҳадя этди.
Айтиш жоизки, Равшан Ҳайдаров шогирдлари ўз майдонларида ҳали мағлубиятга учраганларича йўқ. "Қизилқум" иккинчи турда мамлакат чемпиони "Бунёдкор"дан ҳам очко тортиб олганди.
Олий лига-2012. 4-тур
"Қизилқум" - "Бухоро" 1:0
Гол: Феруз Бобоқулов 87
