Record нашри хабарига кўра, Европанинг бир қатор клублари "Спортинг" ярим ҳимоячиси Жоау Пальньяга қизиқиш билдирмоқда.
Манбага кўра, 26 ёшли португалиялик футболчига "Манчестер Юнайтед", "Тоттенхэм", "Ньюкасл" ва "Вулверхэмптон" клублари қизиқиш билдирмоқда.
Шунингдек, ярим ҳимоячига "Атлетико" ҳам қизиқмоқда.
Қайд этилишича, Пальньянинг шартномасида кўрсатилган товон пули 60 миллион еврони ташкил қилади. Ваҳоланки, қишки трансфер ойнасида Лиссабон клуби уни 30 миллион евродан сал кўпроқ сумма эвазига қўйиб юборишга тайёр эди.
Пальинья жорий мавсумда “Спортинг” сафида 30 та ўйинда 3 та гол урди. Ярим ҳимоячининг Лиссабон клуби билан шартномаси 2026 йилнинг 30 июнига қадар тузилган.
