Record nashri xabariga ko‘ra, Yevropaning bir qator klublari "Sporting" yarim himoyachisi Joau Palnyaga qiziqish bildirmoqda.

Manbaga ko‘ra, 26 yoshli portugaliyalik futbolchiga "Manchester Yunayted", "Tottenxem", "Nyukasl" va "Vulverxempton" klublari qiziqish bildirmoqda.

Shuningdek, yarim himoyachiga "Atletiko" ham qiziqmoqda.

Qayd etilishicha, Palnyaning shartnomasida ko‘rsatilgan tovon puli 60 million yevroni tashkil qiladi. Vaholanki, qishki transfer oynasida Lissabon klubi uni 30 million yevrodan sal ko‘proq summa evaziga qo‘yib yuborishga tayyor edi.

Palinya joriy mavsumda “Sporting” safida 30 ta o‘yinda 3 ta gol urdi. Yarim himoyachining Lissabon klubi bilan shartnomasi 2026 yilning 30 iyuniga qadar tuzilgan.