Озарбойжон чемпионатида бугун 28-тур ўйинлари бўлиб ўтди. Бокунинг "Нефтчи" жамоаси ҳамшаҳарлари "Интер"ни қабул қилиб 2:1 ҳисобида ғалаба қозонди.

Гол уриб чарчамаётган ҳамюртимиз Баҳодир Насимов бу сафар ҳам майдонни голсиз тарк этмади. Учрашувнинг бешинчи дақиқасидаёқ, дарвозабоннинг хатосидан фойдаланган Баҳодир ҳисобни очди. Қизиғи, бу ўйиндаги учала голни ҳам "Нефтчи" футболчилари киритишди. 12-дақиқада Георгиевски "Нефтчи"нинг иккинчи голини киритган бўлса, 43-дақиқада Абишов автогол муаллифи бўлди.

"Нефтчи" бу ғалабаси билан камида учинчи ўринни нақд қилди ва камида  Европа лигаси йўлланмасини қўлга киритдилар. Ҳозирги пайтда бу жамоада 60 очко бўлиб, биринчи шринда кетмоқда ва энг яқин таъқибчиси "Қорабоғ"ни 10 очко ортда қолдирмоқда.

"НЕФТЧИ" – "ИНТЕР" - 2:1 (2:1)
Голлар: Насимов, 5 (1:0), Георгиевски, 12 (2:0), Абишов, 43-авт (2:1).
"НЕФТЧИ": Рауф Мехтиев, Денис Силва, Игор Митрески, Славчо Георгиевски, Флавинью, Насимов, Абишов, Алессандро да Силва, Руслан Амиржанов, Миргусейн Сеидов, Рашад Абдуллаев.
"ИНТЕР": Гиорги Ломая, Низами Гаджиев, Асиф Мамедов, Петр Златинов, Владимир Левин, Илья Канделаки, Ариф Дашдамиров, Петр Храппан, Иброҳима Ниассе, Бачана Цхададзе, Данилдо Ассиоли.