"Тоттенхэм" устози Антонио Конте "Мидлсбро"га қарши мағлубият ҳақида фикр билдирди. У шундай дейди:

"Аниқки, натижа биз истагандек эмас ва бундан ҳаммамиз хафамиз. Вазифамиз рақибга бутунлай имконият қолдирмаслик эди, аммо биз ундай қилмадик. Натижада, уларда ишонч ортиб кетди ва қаршилик кўрсатишда давом этди. Аввало шуни таъкидлаш керакки, "Мидлсбро" ажойиб жамоа. Улар ҳурматга лойиқ ва ғалабани ҳаққоний тарзда қўлга киритди. Биз эса кейинги ўйинлар учун камчиликлар устида бош қотирамиз".

Эслатиб ўтамиз, "шпорлар" сўнгги олтита ўйиннинг тўрттасини мағлубият билан якунлаган.