"Tottenxem" ustozi Antonio Konte "Midlsbro"ga qarshi mag‘lubiyat haqida fikr bildirdi. U shunday deydi:
"Aniqki, natija biz istagandek emas va bundan hammamiz xafamiz. Vazifamiz raqibga butunlay imkoniyat qoldirmaslik edi, ammo biz unday qilmadik. Natijada, ularda ishonch ortib ketdi va qarshilik ko‘rsatishda davom etdi. Avvalo shuni ta’kidlash kerakki, "Midlsbro" ajoyib jamoa. Ular hurmatga loyiq va g‘alabani haqqoniy tarzda qo‘lga kiritdi. Biz esa keyingi o‘yinlar uchun kamchiliklar ustida bosh qotiramiz".
Eslatib o‘tamiz, "shporlar" so‘nggi oltita o‘yinning to‘rttasini mag‘lubiyat bilan yakunlagan.