Машҳур собиқ футболчи Рио Фердинанд «Манчестер Юнайтед»га Жон Макгинн («Астон Вилла») ва Деклан Райс («Вест Хэм») каби футболчиларни сотиб олишни тавсия қилди.

«Характер ҳозирги «Манчестер Юнайтед»га керак бўлган элементлардан биридир. Менимча, Жон Макгинн - яхши футболчи ва ажойиб профессионал. Муваффақиятга эришиш учун нафақат футбол қобилияти, балки шахсий фазилатлар ҳам муҳимдир. Жон бу жиҳатдан жуда яхши. Райсга келсак, у ҳақида етарлича айтилган. Менга бу футболчи жуда ёқади. Сиз унинг атрофида жамоа қуришингиз мумкин», - дея «Манчестер Юнайтед» афсонасининг сўзларини келтиради Standard.

27 ёшли Жон Макгинни Трансфермаркт 30 миллион еврога, 23 ёшли Деклан Райсни эса 75 миллион еврога баҳолаган.