Португалиялик «Бенфика» сўнгги 7 йил ичида ўз тарбияланувчиларини сотишдан энг кўп даромад олган клублар рўйхатини бошқариб турибди.

Лиссабон клуби 2015 йилнинг июлидан бери маҳаллий академия битирувчиларини сотишдан 379 миллион евро ишлаб топган. Жоау Феликснинг «Атлетико»га трансфери португалияликларга энг катта фойда келтирди сотув бўлиб турибди  - 127 миллион евро.

Рейтингда иккинчи ўринни 330 миллион даромад билан «Реал Мадрид» эгаллади. «Монако» 285 миллион билан учинчи ўринни эгаллади. Шунингдек, «Аякс» ва «Лион» энг даромадли академия рейтинги бешлигидан жой олди.

Мамлакатлар рейтингида биринчи ўринни ўз шогирдларини 2 миллиард евродан кўпроққа сотган Англия клублари эгаллайди. Ундан кейин Франция (1,6 миллиард), Испания (1,4 миллиард), Италия (1,1 миллиард) ва Бразилия (950 миллион) чемпионатлари вакиллари бормоқда.