Франциянинг «ПСЖ» клуби «Монако» жамоасига Килиан Мбаппе учун бонусларнинг бир қисмини тўламоқчи эмас.

Le Parisien хабарига кўра, клублар ўртасидаги келишувда парижликлар ҳужумчи учун 145 миллион евро тўлаши кўзда тутилган. «ПСЖ» Мбаппе клуб билан шартномасини узайтирса, яна 35 миллион евро бонус сифатида бериши тахмин қилинганди.

«ПСЖ» франциялик ҳужумчи билан янги шартнома имзолаш учун ҳамма нарсани қилмоқда, бироқ айни пайтда «Монако»га бу 35 миллион еврони тўламоқчи эмас ва бунинг олдини олиш йўлларини қидирмоқда.

Мбаппе июль ойида ПСЖ билан янги шартнома имзолаши варианти кўриб чиқилмоқда. Техник жиҳатдан бу шартноманинг узайтирилиши эмас, балки янги шартнома имзоланиши бўлади, чунки футболчининг амалдаги шартномаси 30 июнда тугайди.

Жорий мавсумда 23 ёшли ҳужумчи Лига 1нинг 24 та учрашувида 14 та гол урди ва 10 та голли узатмани амалга оширди.