"Ливерпуль" ҳужумчиси Энди Кэрролл шанба куни "Эвертон" билан бўлиб ўтган ўйинда (2:1) ғалаба тўпини киритди ва ўзининг ўйини ҳақида фикр билдирди.

"Мен ҳали ҳеч қачон ўзимни бундай яхши сезмагандим. Биз тиришиб ишладик ва ўйин сўнггида гол уриш жуда ажойиб бўлди. Мен бироз аввалроқ ҳам имкониятлар бўлган ва олдинроқ гол уришим мумкин эди. Мен ишлашда давом этдим ва Крэйг (Беллами)нинг қулай тўп оширишидан сўнг менга тўпни дарвозага киритиш қолди, холос", - дейди Кэрролл ESPN нашрига.

"Ажойиб ҳиссиёт. Мени бирмунча танқид қилдилар, лекин мен олдинга интилдим. Бугун мен жамоамга ғалаба келтирдим ва бу жуда ажойиб ҳиссиёт. Мен ҳар куни ўимга ишона бошладим", - дея қўшимча қилади Энди.

Эслатиб ўтамиз, бу мавсумда "Ливерпуль"га 35 миллион фунтга тушган ушбу футболчини ўзини кўрсата олмаётгани учун тезғтез танқид қилинаётганди. Аммо у ушбу ҳафтада ҳаммани тилини тийиб қўйишга эришди. Сешанба куни премьер-лиганинг "Блэкбёрн"га қарши сафар ўйинида (3:2) ғалаба тўпини киритган бўлса, шанба куни жамоасини Англия кубоги ярим финалига олиб чиқди (2:1).